ਵੈਨਕੂਵਰ ਦੇ ਹਸਪਤਾਲ ਵਿੱਚ ਚੂਹਿਆਂ ਦੀ ਭਰਮਾਰ ਮੱਚਿਆ ਹੜਕੰਪ

Yasmine Semeniuk ਅਤੇ Jonathan Ferreira ਦੇ ਪੁੱਤਰ ਦਾ ਜਨਮ ਪਿਛਲੇ ਮੰਗਲਵਾਰ ਵੈਨਕੂਵਰ ਦੇ ਸੇਂਟ ਪੌਲ ਹਸਪਤਾਲ ਵਿੱਚ ਲਿਆ। ਮਾਪਿਆਂ ਨੇ ਦੱਸਿਆ ਕਿ ਜਦੋਂ ਉਹ ਆਪਣੇ ਨਵੇਂ ਬੱਚੇ ਦੀ ਦੇਖਭਾਲ ਕਰ ਰਹੇ ਸਨ, ਉਹਨਾਂ ਨੇ ਆਪਣੇ ਕਮਰੇ ਵਿੱਚ ਕੁਝ ਚੂਹੇ ਦੇਖੇ।

ਉਹਨਾਂ ਕਿਹਾ ਕਿ ਸਟਾਫ ਨੇ ਦੱਸਿਆ ਸੀ ਕਿ ਹਸਪਤਾਲ ਵਿੱਚ ਚੂਹਿਆਂ ਦੀ ਸਮੱਸਿਆ ਹੈ ਅਤੇ ਆਪਣੀਆਂ ਚੀਜ਼ਾਂ ਉੱਚੇ ਸਥਾਨ ‘ਤੇ ਰੱਖਣੀਆਂ ਚਾਹੀਦੀਆਂ ਹਨ।ਫੇਰੇਰਾ ਨੇ mouse trap ਖਰੀਦ ਕੇ ਰੱਖੇ, ਪਰ ਚੂਹੇ ਵਾਪਸ ਆ ਜਾਂਦੇ ਸਨ। ਇਸ ਤੋਂ ਬਾਅਦ ਉਹਨਾਂ ਹਸਪਤਾਲ ਬਦਲਣ ਜਾਂ ਛੁੱਟੀ ਲਈ ਅਪਲਾਈ ਕੀਤਾ ਅਤੇ ਉਹਨਾਂ ਨੂੰ ਘਰ ਜਾਣ ਦੀ ਆਗਿਆ ਮਿਲ ਗਈ। ਯਾਸਮੀਨ ਨੇ ਕਿਹਾ, “ਤੁਸੀਂ ਸੋਚਦੇ ਹੋ ਕਿ ਹਸਪਤਾਲ ਸਾਫ਼-ਸੁਥਰਾ ਹੈ। ਪਰ ਮੇਰੇ ਕੋਲ ਖੁਲੇ ਜ਼ਖਮ ਹਨ, ਸਾਡਾ ਨਵਾਂ ਬੱਚਾ ਹੈ, ਅਤੇ ਤੁਸੀਂ ਉਮੀਦ ਕਰਦੇ ਹੋ ਕਿ ਸਥਾਨ ਸੁਰੱਖਿਅਤ ਹੋਵੇ, ਪਰ ਇਹ ਨਹੀਂ ਸੀ।”

Providence Health ਨੇ ਇਸ ਘਟਨਾ ਨੂੰ “ਦੁੱਖਦਾਇਕ ਅਤੇ ਚਿੰਤਾਜਨਕ” ਕਿਹਾ ਅਤੇ ਮੈਟਰਨਿਟੀ ਵਿਭਾਗ ਦੀ ਪੂਰੀ ਜਾਂਚ ਲਈ ਕੀਟਨਾਸ਼ਕ ਟੀਮ ਲਿਆਂਦੀ ਗਈ।

ਉਹਨਾਂ ਕਿਹਾ ਕਿ ਵਧੇਰੇ ਟ੍ਰੈਪ ਲਗਾਏ ਗਏ ਹਨ, ਸੰਭਾਵਿਤ ਪ੍ਰਵੇਸ਼ ਮਾਰਗ ਬੰਦ ਕੀਤੇ ਜਾ ਰਹੇ ਹਨ ਅਤੇ ਜਾਂਚਾਂ ਵਧਾਈਆਂ ਗਈਆਂ ਹਨ।