ਟਰੰਪ ਤੋਂ ਬਚਾਉਣ ਲਈ ਗ੍ਰੀਨਲੈਂਡ ਵਿੱਚ ਥੋੜ੍ਹੀ ਜਿਹੀ ਫੌਜ ਭੇਜਣ ਬਾਰੇ ਵਿਚਾਰ ਕਰ ਰਿਹਾ ਹੈ ਕੈਨੇਡਾ

ਕੈਨੇਡਾ ਦੀ ਫੈਡਰਲ ਸਰਕਾਰ ਗ੍ਰੀਨਲੈਂਡ ਵਿੱਚ ਟ੍ਰੇਨਿੰਗ ਅਭਿਆਸਾਂ ਵਿੱਚ ਸ਼ਾਮਲ ਹੋਣ ਲਈ ਥੋੜ੍ਹੀ ਗਿਣਤੀ ਵਿੱਚ ਸੈਨਿਕ ਭੇਜਣ ਬਾਰੇ ਵਿਚਾਰ ਕਰ ਰਹੀ ਹੈ। ਇੱਕ ਸੀਨੀਅਰ ਸਰਕਾਰੀ ਸੂਤਰ ਮੁਤਾਬਕ, ਇਹ ਕਦਮ ਕਈ ਯੂਰਪੀ ਦੇਸ਼ਾਂ ਵੱਲੋਂ ਪਹਿਲਾਂ ਹੀ ਸੈਨਿਕ ਭੇਜੇ ਜਾਣ ਤੋਂ ਬਾਅਦ ਲਿਆ ਜਾ ਰਿਹਾ ਹੈ। ਹਾਲਾਂਕਿ, ਇਸ ਬਾਰੇ ਅਜੇ ਅੰਤਿਮ ਫੈਸਲਾ ਨਹੀਂ ਹੋਇਆ ਅਤੇ ਜੇ ਸੈਨਿਕ ਭੇਜੇ ਜਾਂਦੇ ਹਨ ਤਾਂ ਇਹ ਗਿਣਤੀ ਬਹੁਤ ਘੱਟ ਅਤੇ ਪ੍ਰਤੀਕਾਤਮਕ ਸਮਰਥਨ ਹੋਵੇਗਾ।

ਇਹ ਸਭ ਉਸ ਸਮੇਂ ਹੋ ਰਿਹਾ ਹੈ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਗ੍ਰੀਨਲੈਂਡ ਨੂੰ ਅਮਰੀਕਾ ਦੀ ਰਾਸ਼ਟਰੀ ਸੁਰੱਖਿਆ ਲਈ “ਜ਼ਰੂਰੀ” ਦੱਸਦੇ ਹੋਏ ਡੈਨਮਾਰਕ ਦੇ ਇਸ ਖੁਦਮੁਖਤਿਆਰ ਖੇਤਰ ’ਤੇ ਕਾਬੂ ਦੀ ਮੰਗ ਕਰ ਰਹੇ ਹਨ। ਟਰੰਪ ਨੇ ਕਈ ਯੂਰਪੀ ਦੇਸ਼ਾਂ ’ਤੇ ਟੈਰਿਫ਼ ਲਗਾਉਣ ਦੀ ਧਮਕੀ ਵੀ ਦਿੱਤੀ ਹੈ। ਇਸ ਦਰਮਿਆਨ, ਕੈਨੇਡਾ ਨੇ ਅਮਰੀਕਾ ਵੱਲੋਂ ਹੋ ਰਹੇ “ਤਣਾਅ ਵਿੱਚ ਵਾਧੇ” ਨੂੰ ਲੈ ਕੇ ਚਿੰਤਾ ਜ਼ਾਹਿਰ ਕੀਤੀ ਹੈ, ਜਦਕਿ ਯੂਰਪੀ ਯੂਨੀਅਨ ਨੇ ਗ੍ਰੀਨਲੈਂਡ ਦੀ sovereignty ਦੀ ਰੱਖਿਆ ਕਰਨ ਦੀ ਗੱਲ ਦੋਹਰਾਈ ਹੈ।