ਪੋਰਟ ਕੋਕੁਟਿਲਮ ਵਿੱਚ ਪੈਦਲ ਯਾਤਰੀ ਨੂੰ ਫੇਟ ਮਾਰਨ ਦੀ ਜਾਂਚ ਸ਼ੁਰੂ
ਪੋਰਟ ਕੋਕੁਇਟਲਮ ਵਿੱਚ ਇਸ ਹਫ਼ਤੇ ਦੀ ਸ਼ੁਰੂਆਤ ਵਿੱਚ ਹੋਏ ਬਹੁ-ਵਾਹਨ ਟੱਕਰ ਵਿਚ ਕਈ ਪੈਦਲ ਯਾਤਰੀਆਂ ਨੂੰ ਸੱਟਾਂ ਲੱਗਣ ਤੋਂ ਬਾਅਦ RCMP ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮੰਗਲਵਾਰ ਦੁਪਹਿਰ ਲਗਭਗ 2 ਵਜੇ ਲੁਹੀਡ ਹਾਈਵੇ ਅਤੇ ਵੈਸਟਵੁੱਡ ਸਟ੍ਰੀਟ ਦੇ ਚੌਕ ‘ਤੇ ਟੱਕਰ ਦੀ ਸੂਚਨਾ ਮਿਲਣ ‘ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ।
ਕੋਕੁਇਟਲਮ RCMP ਮੁਤਾਬਕ, ਸ਼ੁਰੂਆਤੀ ਜਾਂਚ ਦੱਸਦੀ ਹੈ ਕਿ ਲੁਹੀਡ ਹਾਈਵੇ ‘ਤੇ ਪੱਛਮ ਵੱਲ ਲਾਲ ਬੱਤੀ ਲਈ ਹੌਲੀ ਹੋ ਰਹੀ ਇੱਕ ਗੱਡੀ ਨੂੰ ਪਿੱਛੋਂ ਆ ਰਹੀ ਦੂਜੀ ਗੱਡੀ ਨੇ ਟੱਕਰ ਮਾਰੀ। ਇਸ ਤੋਂ ਬਾਅਦ ਦੋਵੇਂ ਗੱਡੀਆਂ ਬੇ-ਕਾਬੂ ਹੋ ਕੇ ਚੌਕ ਵਿੱਚ ਦਾਖ਼ਲ ਹੋਈਆਂ ਅਤੇ ਇੱਕ ਹੋਰ ਵਾਹਨ ਅਤੇ ਕਈ ਪੈਦਲ ਯਾਤਰੀਆਂ ਨਾਲ ਟਕਰਾ ਗਈਆਂ।
ਇੱਕ ਡਰਾਈਵਰ ਨੂੰ ਗੰਭੀਰ ਚੋਟਾਂ ਆਈਆਂ ਹਨ ਅਤੇ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। ਬੀਸੀ ਐਮਰਜੈਂਸੀ ਹੈਲਥ ਸਰਵਿਸਜ਼ ਅਨੁਸਾਰ ਪੰਜ ਹੋਰ ਲੋਕਾਂ ਨੂੰ ਵੀ ਹਸਪਤਾਲ ਲਿਜਾਇਆ ਗਿਆ, ਪਰ ਉਹ ਸਾਰੇ ਸਥਿਰ ਹਾਲਤ ਵਿੱਚ ਹਨ।
ਸਾਰੇ ਡਰਾਈਵਰ ਅਤੇ ਪੈਦਲ ਯਾਤਰੀ ਮੌਕੇ ‘ਤੇ ਹੀ ਰਹੇ ਅਤੇ ਪੁਲਿਸ ਨਾਲ ਪੂਰਾ ਸਹਿਯੋਗ ਕਰ ਰਹੇ ਹਨ। ਸ਼ਰਾਬ ਜਾਂ ਨਸ਼ਿਆਂ ਦਾ ਕੋਈ ਰੋਲ ਨਹੀਂ ਮੰਨਿਆ ਜਾ ਰਿਹਾ।
ਐਕਟਿੰਗ ਸਰਜੈਂਟ ਜਾਰਜ ਹੈਨ ਨੇ ਕਿਹਾ ਕਿ ਜਾਂਚਕਰਤਾ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਟੱਕਰ ਤੋਂ ਬਿਲਕੁਲ ਪਹਿਲਾਂ ਕੀ ਹੋਇਆ।
Share this article:
