ਜ਼ਿਆਦਾਤਰ ਅਲਬਰਟਾਵਾਸੀ ਕੈਨੇਡਾ ਵਿੱਚ ਹੀ ਰਹਿਣ ਦੇ ਹੱਕ ਵਿੱਚ, ਸਿਰਫ਼ 29% ਲੋਕ ਹੀ ਚਾਹੁੰਦੇ ਹਨ ਵੱਖਰਾ ਹੋਣਾ

ਐਂਗਸ ਰੀਡ ਇੰਸਟੀਚਿਊਟ ਦੀ ਨਵੀਂ ਸਰਵੇਖਣ ਰਿਪੋਰਟ ਮੁਤਾਬਕ, ਜ਼ਿਆਦਾਤਰ ਅਲਬਰਟਾਵਾਸੀ ਕੈਨੇਡਾ ਵਿੱਚ ਹੀ ਰਹਿਣ ਦੇ ਹੱਕ ਵਿੱਚ ਹਨ। ਜੇ ਅੱਜ ਰੈਫਰੈਂਡਮ ਹੋਵੇ, ਸਿਰਫ਼ 29% ਲੋਕ ਹੀ ਵੱਖਰੇ ਹੋਣ ਦੇ ਹੱਕ ਵਿੱਚ ਵੋਟ ਪਾਉਣਗੇ, ਜਦਕਿ 65% ਕੈਨੇਡਾ ਵਿੱਚ ਰਹਿਣ ਲਈ ਪੱਕਾ ਫੈਸਲਾ ਕਰ ਚੁੱਕੇ ਹਨ।

ਸਰਵੇਖਣ ਦਰਸਾਉਂਦਾ ਹੈ ਕਿ ਵੱਖਰੇ ਹੋਣ ਦੇ ਹੱਕ ਵਿੱਚ ਲੋਕ provincial resources ’ਤੇ ਪੂਰਾ ਕਬਜ਼ਾ ਅਤੇ federal policies ਤੋਂ ਮੁਕਤੀ ਚਾਹੁੰਦੇ ਹਨ, ਜਦਕਿ ਕੈਨੇਡਾ ਵਿੱਚ ਰਹਿਣ ਵਾਲੇ ਲੋਕ ਕੈਨੇਡੀਅਨ ਪਹਿਚਾਣ ਅਤੇ ਵਿੱਤੀ ਮੁਸ਼ਕਲਾਂ ਨੂੰ ਵੱਡਾ ਕਾਰਨ ਮੰਨਦੇ ਹਨ। ਯੂਨਾਈਟਡ ਕਨਜ਼ਰਵੇਟਿਵ ਪਾਰਟੀ ਦੇ ਵੋਟਰਾਂ ਵਿੱਚ ਵੱਖਰੇ ਹੋਣ ਦਾ ਸਮਰਥਨ ਜ਼ਿਆਦਾ ਹੈ।

ਜਾਣਕਾਰੀ ਦੇ ਸਰੋਤਾਂ ’ਤੇ ਵੀ ਫਰਕ ਨਜ਼ਰ ਆਇਆ: ਕੈਨੇਡਾ ਵਿੱਚ ਰਹਿਣ ਵਾਲੇ ਲੋਕ mainstream ਮੀਡੀਆ ’ਤੇ ਨਿਰਭਰ ਹਨ, ਜਦਕਿ ਵੱਖਰੇ ਹੋਣ ਵਾਲੇ ਲੋਕ ਵਿਕਲਪਕ ਮੀਡੀਆ ਅਤੇ ਦੋਸਤਾਂ-ਰਿਸ਼ਤੇਦਾਰਾਂ ਨਾਲ ਗੱਲਬਾਤ ’ਤੇ। ਸਰਵੇਖਣ ਇਹ ਵੀ ਦੱਸਦਾ ਹੈ ਕਿ ਜੇ ਅਲਬਰਟਾ ਵੱਖਰਾ ਹੋਇਆ ਤਾਂ ਤਿੰਨ-ਚੌਥਾਈ ਕੈਨੇਡਾ ਵਿੱਚ ਰਹਿਣ ਵਾਲੇ ਲੋਕ ਸੂਬਾ ਛੱਡਣ ਦਾ ਸੋਚ ਸਕਦੇ ਹਨ।

ਇਹ ਆਨਲਾਈਨ ਸਰਵੇਖਣ 2 ਤੋਂ 6 ਫਰਵਰੀ 2026 ਦਰਮਿਆਨ 4,025 ਕੈਨੇਡੀਅਨ adults ਨਾਲ ਕੀਤਾ ਗਿਆ।