ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਜਿਨ੍ਹਾਂ ਦੇਸ਼ਾਂ ਨੂੰ ਮਹਿੰਗੀਆਂ ਤੇਲ ਦੀਆਂ ਕੀਮਤਾਂ ‘ਤੇ ਨਾਰਾਜ਼ਗੀ ਹੈ, ਉਹ “ਆਪਣਾ ਤੇਲ ਖੁਦ ਲੈਣ”।

ਇਹ ਟਿੱਪਣੀ ਉਸ ਵੇਲੇ ਆਈ ਜਦੋਂ ਇਰਾਨ ਨੇ ਹੋਰ ਵਧਦੇ ਤਣਾਅ ਦੇ ਵਿਚਕਾਰ Strait of Hormuz ‘ਤੇ ਆਪਣਾ ਪ੍ਰਭਾਵ ਬਣਾਈ ਰੱਖਿਆ ਹੋਇਆ ਹੈ। ਟਰੰਪ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਕਿ ਦੇਸ਼ ਅਮਰੀਕਾ ਤੋਂ ਤੇਲ ਖਰੀਦ ਸਕਦੇ ਹਨ ਕਿਉਂਕਿ ਉੱਥੇ ਭਰਪੂਰ ਮਾਤਰਾ ਵਿੱਚ ਉਪਲਬਧ ਹੈ।

ਇਸੇ ਦੌਰਾਨ middle-east ਵਿੱਚ ਜੰਗ ਤੇਜ਼ ਹੋ ਰਹੀ ਹੈ, ਜਿਸ ਨਾਲ ਵਿਸ਼ਵ ਭਰ ਵਿੱਚ ਤੇਲ ਦੀ ਸਪਲਾਈ ਪ੍ਰਭਾਵਿਤ ਹੋ ਰਹੀ ਹੈ। Strait of Hormuz ਰਾਹੀਂ ਦੁਨੀਆ ਦੇ ਲਗਭਗ ਪੰਜਵੇਂ ਹਿੱਸੇ ਦਾ ਤੇਲ ਲੰਘਦਾ ਹੈ, ਜਿਸ ਕਰਕੇ ਇੱਥੇ ਹੋ ਰਹੀਆਂ ਤਣਾਅਪੂਰਨ ਘਟਨਾਵਾਂ ਨੇ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। ਅਮਰੀਕਾ ਵਿੱਚ ਪੈਟਰੋਲ ਦੀ ਕੀਮਤ US$4 ਪ੍ਰਤੀ ਗੈਲਨ ਤੋਂ ਵੀ ਉੱਪਰ ਪਹੁੰਚ ਗਈ ਹੈ।

ਰਿਪੋਰਟਾਂ ਮੁਤਾਬਕ ਇਰਾਨ ਅਤੇ ਅਮਰੀਕਾ-ਇਜ਼ਰਾਈਲ ਵਿਚਕਾਰ ਹਮਲੇ ਤੇਜ਼ ਹੋ ਰਹੇ ਹਨ, ਜਿਸ ਨਾਲ ਕਈ ਥਾਵਾਂ ‘ਤੇ ਧਮਾਕੇ ਅਤੇ ਹਵਾਈ ਹਮਲੇ ਹੋਏ ਹਨ। ਇਨ੍ਹਾਂ ਘਟਨਾਵਾਂ ਨੇ ਗਲੋਬਲ ਮਾਰਕੀਟਾਂ ਨੂੰ ਹਿਲਾ ਦਿੱਤਾ ਹੈ ਅਤੇ ਊਰਜਾ ਸਪਲਾਈ ‘ਤੇ ਵੱਡਾ ਅਸਰ ਪਾਇਆ ਹੈ।

ਟਰੰਪ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਜਲਦੀ ceasefire ਨਾ ਹੋਈ ਤਾਂ ਅਮਰੀਕਾ ਆਪਣੀ ਕਾਰਵਾਈ ਵਧਾ ਸਕਦਾ ਹੈ, ਜਿਸ ਵਿੱਚ ਹੋਰ ਮਹੱਤਵਪੂਰਨ ਤੇਲ ਢਾਂਚਿਆਂ ‘ਤੇ ਹਮਲੇ ਵੀ ਸ਼ਾਮਲ ਹੋ ਸਕਦੇ ਹਨ।