ਇਰਾਨ ਵੱਲੋਂ ਜੰਗਬੰਦੀ ਅਲਟੀਮੇਟਮ ਨੂੰ ਸਵੀਕਾਰ ਤੋਂ ਇਨਕਾਰ

U.S. President Donald Trump ਨੇ ਕਿਹਾ ਕਿ ਇਰਾਨ ਨਾਲ ਸਮਝੌਤੇ ਲਈ ਉਸ ਵੱਲੋਂ ਦਿੱਤਾ ਮੰਗਲਵਾਰ ਦਾ ਡੈੱਡਲਾਈਨ ਅੰਤਿਮ ਹੈ। ਉਨ੍ਹਾਂ ਦੇ ਅਨੁਸਾਰ, ਇਰਾਨ ਦੀ ਪੇਸ਼ਕਸ਼ “ਮਹੱਤਵਪੂਰਨ” ਹੈ ਪਰ ਕਾਫ਼ੀ ਨਹੀਂ।

ਟ੍ਰੰਪ ਨੇ ਵ੍ਹਾਈਟ ਹਾਊਸ ਵਿੱਚ ਇਕ ਈਸਟਰ ਸਮਾਗਮ ਦੌਰਾਨ ਕਿਹਾ ਕਿ ਜੰਗ ਬਹੁਤ ਜਲਦੀ ਖਤਮ ਹੋ ਸਕਦੀ ਹੈ ਜੇ ਇਰਾਨ ਲੋੜੀਂਦੀਆਂ ਸ਼ਰਤਾਂ ਮੰਨ ਲਏ। ਉਨ੍ਹਾਂ ਦਾ ਦਾਅਵਾ ਸੀ ਕਿ ਇਰਾਨ ਗੱਲਬਾਤ ਵਿੱਚ ਚੰਗੀ ਨੀਅਤ ਨਾਲ ਸ਼ਾਮਲ ਰਿਹਾ ਹੈ, ਪਰ ਅਜੇ ਵੀ ਕੁਝ ਅਹਿਮ ਮੰਗਾਂ ਪੂਰੀਆਂ ਨਹੀਂ ਹੋਈਆਂ।

ਇਸ ਦੌਰਾਨ ਅਮਰੀਕਾ ਅਤੇ ਇਰਾਨ ਵਿਚਕਾਰ ਪੰਜ ਹਫ਼ਤਿਆਂ ਤੋਂ ਚੱਲ ਰਹੇ ਸੰਘਰਸ਼ ਨੂੰ ਖਤਮ ਕਰਨ ਲਈ ਇਕ ਫਰੇਮਵਰਕ ’ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਪਰ ਇਰਾਨ ਨੇ ਸਟ੍ਰੇਟ ਆਫ਼ ਹੋਰਮੁਜ਼ ਨੂੰ ਤੁਰੰਤ ਖੋਲ੍ਹਣ ਦੇ ਦਬਾਅ ਨੂੰ ਰੱਦ ਕਰ ਦਿੱਤਾ ਹੈ, ਜੋ ਵਿਸ਼ਵ ਦੀ ਲਗਭਗ 20% ਤੇਲ ਅਤੇ ਗੈਸ ਸਪਲਾਈ ਲਈ ਮਹੱਤਵਪੂਰਨ ਰਸਤਾ ਹੈ।

ਇਕ ਸੀਨੀਅਰ ਇਰਾਨੀ ਅਧਿਕਾਰੀ ਨੇ ਕਿਹਾ ਕਿ ਇਰਾਨ ਅਸਥਾਈ ਜੰਗਬੰਦੀ ਦੇ ਤਹਿਤ ਹੋਰਮੁਜ਼ ਖੋਲ੍ਹਣ ਲਈ ਤਿਆਰ ਨਹੀਂ ਅਤੇ ਨਾ ਹੀ ਅਲਟੀਮੇਟਮ ਸਵੀਕਾਰ ਕਰੇਗਾ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਅਮਰੀਕਾ ਪੱਕੀ ਜੰਗਬੰਦੀ ਲਈ ਤਿਆਰ ਨਹੀਂ ਹੈ।

ਇਸੇ ਵਿਚਕਾਰ ਪਾਕਿਸਤਾਨ ਦੀ ਭੂਮਿਕਾ ਨਾਲ ਇਕ ਪ੍ਰਸਤਾਵ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਤੁਰੰਤ ਜੰਗਬੰਦੀ ਅਤੇ 15 ਤੋਂ 20 ਦਿਨਾਂ ਵਿੱਚ ਵੱਡੇ ਸ਼ਾਂਤੀ ਸਮਝੌਤੇ ਲਈ ਵਾਰਤਾਂ ਸ਼ਾਮਲ ਹਨ। ਇਰਾਨ ਦੇ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ ਕਿ ਉਹ ਆਪਣੀਆਂ ਸ਼ਰਤਾਂ mediators ਰਾਹੀਂ ਪੇਸ਼ ਕਰ ਚੁੱਕਾ ਹੈ ਅਤੇ ਅਲਟੀਮੇਟਮ ਦੇ ਦਬਾਅ ਨੂੰ ਸਵੀਕਾਰ ਨਹੀਂ ਕਰਦਾ ।