ਬੀ.ਸੀ. ਵਿੱਚ ਵਧਦੀ ਗਰਮੀ ਨਾਲ ਖੇਤੀਬਾੜੀ ਖੇਤਰ ਨੂੰ ਵੱਡੀਆਂ ਚੁਣੌਤੀਆਂ ਦੀ ਚੇਤਾਵਨੀ

ਬੀ.ਸੀ. ਵਿੱਚ ਤਾਪਮਾਨ ਵਧਣ ਨਾਲ ਸਥਾਨਕ ਖੇਤੀਬਾੜੀ ਖੇਤਰ ਦੇ ਮਾਹਿਰ ਚੇਤਾਵਨੀ ਦੇ ਰਹੇ ਹਨ ਕਿ ਆਉਣ ਵਾਲਾ ਗਰਮੀ ਦਾ ਮੌਸਮ ਕਿਸਾਨਾਂ ਲਈ ਕਾਫ਼ੀ ਚੁਣੌਤੀਪੂਰਨ ਹੋ ਸਕਦਾ ਹੈ। BC Agriculture Council ਦੇ ਅਨੁਸਾਰ, ਵਧਦੀ ਗਰਮੀ ਅਤੇ ਆਰਥਿਕ ਅਸਥਿਰਤਾ ਕਾਰਨ ਵਧ ਰਹੇ ਖਰਚੇ ਮਿਲ ਕੇ ਫਸਲਾਂ ਦੀ ਸਿਹਤ ਅਤੇ ਉਤਪਾਦਨ ਦੋਵਾਂ ਲਈ ਖਤਰਾ ਬਣ ਰਹੇ ਹਨ।

ਕੌਂਸਲ ਦੇ ਡਾਇਰੈਕਟਰ Paul Pryce ਨੇ ਕਿਹਾ ਕਿ ਕਿਸਾਨਾਂ ਲਈ ਸਭ ਤੋਂ ਵੱਡੀ ਚਿੰਤਾ ਪਾਣੀ ਦੀ ਘਾਟ ਅਤੇ ਸੰਭਾਵਿਤ ਪਾਬੰਦੀਆਂ ਹਨ। ਉਨ੍ਹਾਂ ਦੇ ਮੁਤਾਬਕ, ਜੇ ਗਰਮ ਅਤੇ ਸੁੱਕਾ ਮੌਸਮ ਜਾਰੀ ਰਹਿੰਦਾ ਹੈ ਤਾਂ ਸਿੰਚਾਈ ‘ਤੇ ਰੋਕ ਲਗ ਸਕਦੀ ਹੈ, ਜਿਸ ਨਾਲ ਫਸਲਾਂ ਨੂੰ ਬਚਾਉਣਾ ਮੁਸ਼ਕਲ ਹੋ ਜਾਵੇਗਾ। ਉਹਨਾਂ ਨੇ ਉਦਾਹਰਨ ਦਿੱਤੀ ਕਿ ਕਈ ਵਾਰ ਮੌਸਮ ਦੇ ਅਖੀਰਲੇ ਹਿੱਸੇ ਵਿੱਚ ਹੀ ਪਾਣੀ ਬੰਦ ਕਰਨ ਦੇ ਹੁਕਮ ਆ ਜਾਂਦੇ ਹਨ, ਜਿਸ ਨਾਲ ਸਾਲ ਭਰ ਦੀ ਮਿਹਨਤ ਅਤੇ ਨਿਵੇਸ਼ ਨੁਕਸਾਨ ਵਿੱਚ ਬਦਲ ਜਾਂਦਾ ਹੈ।

Pryce ਨੇ ਇਹ ਵੀ ਦੱਸਿਆ ਕਿ ਖਾਸ ਕਰਕੇ ਓਕਨਾਗਨ ਖੇਤਰ ਵਿੱਚ ਘੱਟ ਬਰਫ਼ਬਾਰੀ ਅਤੇ ਲਗਾਤਾਰ ਸੁੱਕੇ ਹਾਲਾਤ ਫਲਾਂ ਦੇ ਉਤਪਾਦਕਾਂ ਲਈ ਵੱਡੀ ਸਮੱਸਿਆ ਬਣੇ ਹੋਏ ਹਨ। ਹਾਲਾਂਕਿ ਕਿਸਾਨ ਨਵੀਆਂ ਤਕਨੀਕਾਂ, ਘੱਟ ਪਾਣੀ ਵਾਲੀਆਂ ਫਸਲਾਂ ਅਤੇ ਬਿਹਤਰ ਸਿੰਚਾਈ ਤਰੀਕਿਆਂ ਨੂੰ ਅਪਣਾ ਰਹੇ ਹਨ, ਪਰ ਚੁਣੌਤੀਆਂ ਨੂੰ ਪੂਰੀ ਤਰ੍ਹਾਂ ਦੂਰ ਕਰਨਾ ਅਜੇ ਵੀ ਮੁਸ਼ਕਲ ਹੈ।

ਇਸਦੇ ਨਾਲ ਹੀ ਡੀਜ਼ਲ, ਖਾਦ ਅਤੇ ਹੋਰ ਇਨਪੁਟ ਦੀਆਂ ਵਧਦੀਆਂ ਕੀਮਤਾਂ ਨੇ ਕਿਸਾਨਾਂ ਦੇ profit ਮਾਰਜਿਨ ਨੂੰ ਹੋਰ ਘਟਾ ਦਿੱਤਾ ਹੈ। ਮਾਹਿਰ ਚੇਤਾਵਨੀ ਦੇ ਰਹੇ ਹਨ ਕਿ ਜੇ ਹਾਲਾਤ ਇਸੇ ਤਰ੍ਹਾਂ ਰਹੇ ਤਾਂ ਕਈ ਕਿਸਾਨਾਂ ਲਈ ਆਪਣੀਆਂ ਫਸਲਾਂ ਦੀ ਲਾਗਤ ਪੂਰੀ ਕਰਨਾ ਵੀ ਮੁਸ਼ਕਲ ਹੋ ਸਕਦਾ ਹੈ।