ਹੰਬੋਲਟ ਬ੍ਰੋਂਕੋਜ਼ ਬੱਸ ਹਾਦਸੇ ਦੇ 8ਵੇਂ ਵਰ੍ਹੇ ’ਤੇ ਘਟਨਾ ਸਥਾਨ ਨੇੜੇ ਇੱਕ ਢੁੱਕਵਾਂ ਸਮਾਰਕ ਬਣਾਉਣ ਦਾ ਕੰਮ ਜਾਰੀ
ਹੰਬੋਲਟ ਬ੍ਰੋਂਕੋਜ਼ ਬੱਸ ਹਾਦਸੇ ਦੇ 8ਵੇਂ ਵਰ੍ਹੇ ’ਤੇ, ਟੀਮ ਦੇ ਸ਼ਹਿਰ ਨੇ ਕਿਹਾ ਹੈ ਕਿ ਇਕ ਢੁੱਕਵਾਂ ਸਮਾਰਕ ਬਣਾਉਣ ਦਾ ਕੰਮ ਜਾਰੀ ਹੈ। ਇਹ ਦਰਦਨਾਕ ਹਾਦਸਾ 6 ਅਪ੍ਰੈਲ 2018 ਨੂੰ ਵਾਪਰਿਆ ਸੀ, ਜਦੋਂ ਇੱਕ ਸੈਮੀ-ਟ੍ਰੱਕ ਦਾ ਨਵਾਂ ਡਰਾਈਵਰ ਸਸਕੈਚਵਾਨ ਦੇ ਪਿੰਡਾਂ ਵਾਲੇ ਇਲਾਕੇ ਵਿੱਚ ਇਕ ਸਟਾਪ ਸਾਈਨ ਪਾਰ ਕਰ ਗਿਆ ਅਤੇ ਬੱਸ ਨਾਲ ਟਕਰਾ ਗਿਆ। ਇਸ ਹਾਦਸੇ ਵਿੱਚ 16 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ 13 ਜ਼ਖਮੀ ਹੋਏ ਸਨ, ਜਿਸ ਨਾਲ ਵਿਸ਼ਵ ਭਰ ਵਿੱਚ ਦੁੱਖ ਅਤੇ ਸ਼ਰਧਾਂਜਲੀਆਂ ਦੀ ਲਹਿਰ ਦੌੜ ਗਈ ਸੀ।
ਹੰਬੋਲਟ ਮੈਮੋਰਿਅਲ ਕਮੇਟੀ ਮੁਤਾਬਕ, ਇਸ ਸਾਲ ਹਾਦਸੇ ਵਾਲੀ ਜਗ੍ਹਾ ਦੇ ਨੇੜੇ ਪਾਰਕਿੰਗ ਲੌਟ ਅਤੇ ਰਸਤੇ ਬਣਾਉਣ ਲਈ ਐਸਫਾਲਟ ਦਾ ਕੰਮ ਕੀਤਾ ਜਾਣਾ ਹੈ। ਅਗਲੇ ਪੜਾਅ ਵਿੱਚ ਉਨ੍ਹਾਂ ਦਾ ਧਿਆਨ ਇੱਕ ਸਮਾਰਕ ਬਣਾਉਣ ’ਤੇ ਹੋਵੇਗਾ, ਜੋ ਮਰਨ ਵਾਲਿਆਂ ਦੀ ਯਾਦ ਨੂੰ ਸਮਰਪਿਤ ਹੋਵੇਗਾ।
ਹੰਬੋਲਟ ਸ਼ਹਿਰ ਵੀ ਇਕ ਹੋਰ ਕਮੇਟੀ ਨਾਲ ਮਿਲ ਕੇ ਭਵਿੱਖ ਵਿੱਚ ਇਕ ਰਿਕ੍ਰੀਏਸ਼ਨ ਸੈਂਟਰ ਬਣਾਉਣ ’ਤੇ ਕੰਮ ਕਰ ਰਿਹਾ ਹੈ, ਜੋ ਟੀਮ ਦੀ ਯਾਦ ਨੂੰ ਜ਼ਿੰਦਾ ਰੱਖੇਗਾ। ਮੇਅਰ ਰੋਬ ਮਿਊਂਚ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਸਿਰਫ਼ ਯਾਦਗਾਰੀ ਨਹੀਂ ਹਨ, ਸਗੋਂ ਅਜਿਹੀਆਂ ਥਾਵਾਂ ਬਣਾਉਣ ਲਈ ਹਨ ਜਿੱਥੇ ਲੋਕ ਇਕੱਠੇ ਹੋ ਕੇ ਸੋਚ ਸਕਣ, ਸਹਾਰਾ ਲੈ ਸਕਣ ਅਤੇ connected ਮਹਿਸੂਸ ਕਰ ਸਕਣ।
ਸਸਕੈਚਵਾਨ ਜੂਨੀਅਰ ਹਾਕੀ ਲੀਗ ਨੇ ਵੀ ਪੀੜਤ ਪਰਿਵਾਰਾਂ ਲਈ ਸੰਵੇਦਨਾ ਪ੍ਰਗਟ ਕੀਤੀ ਅਤੇ ਕਿਹਾ ਕਿ ਇਹ ਘਟਨਾ ਹਮੇਸ਼ਾਂ ਸਭ ਦੇ ਦਿਲਾਂ ਵਿੱਚ ਰਹੇਗੀ।
ਇਸ ਲੇਖ ਨੂੰ ਸਾਂਝਾ ਕਰੋ:
