ਸਰੀ ਦੇ ਰਾਬਰਟਸਨ ਡਰਾਈਵ ਪਾਰਕ ਵਿੱਚ ਗੋਲੀਬਾਰੀ, ਪੁਲਿਸ ਜਾਂਚ ਜਾਰੀ

ਸਰੀ ਪੁਲਿਸ ਸਰਵਿਸ (SPS) ਵੱਲੋਂ ਵ੍ਹਾਲੀ ਇਲਾਕੇ ਦੇ ਰਾਬਰਟਸਨ ਡਰਾਈਵ ਪਾਰਕ ਵਿੱਚ ਤੜਕੇ ਹੋਈ ਗੋਲੀਬਾਰੀ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਮੁਤਾਬਕ 5 ਅਗਸਤ 2026 ਨੂੰ ਰਾਤ ਕਰੀਬ 12:10 ਵਜੇ 127 ਸਟਰੀਟ ਅਤੇ 92 ਐਵੇਨਿਊ ਨੇੜੇ ਪਾਰਕ ਵਿੱਚ ਗੋਲੀਆਂ ਚੱਲਣ ਦੀਆਂ ਸੂਚਨਾਵਾਂ ਮਿਲੀਆਂ। ਜਾਣਕਾਰੀ ਮਿਲੀ ਕਿ ਮੌਕੇ 'ਤੇ ਮੌਜੂਦ ਇੱਕ ਵੱਡਾ ਸਮੂਹ ਗੋਲੀਬਾਰੀ ਤੋਂ ਬਾਅਦ ਉਥੋਂ ਤਿਤਰ-ਬਿਤਰ ਹੋ ਗਿਆ।

ਮੌਕੇ 'ਤੇ ਪਹੁੰਚੇ ਪੁਲਿਸ ਅਧਿਕਾਰੀਆਂ ਨੇ ਇਲਾਕੇ ਦੀ ਵਿਆਪਕ ਤਲਾਸ਼ੀ ਦੌਰਾਨ ਗੋਲੀਆਂ ਚੱਲਣ ਦੇ ਸਬੂਤ ਬਰਾਮਦ ਕੀਤੇ। ਹਾਲਾਂਕਿ, ਮੌਕੇ ਤੋਂ ਕੋਈ ਸ਼ੱਕੀ ਗ੍ਰਿਫ਼ਤਾਰ ਨਹੀਂ ਹੋਇਆ ਅਤੇ ਨਾ ਹੀ ਕਿਸੇ ਦੇ ਜ਼ਖ਼ਮੀ ਹੋਣ ਜਾਂ ਜਾਇਦਾਦ ਨੂੰ ਨੁਕਸਾਨ ਪਹੁੰਚਣ ਦੀ ਕੋਈ ਰਿਪੋਰਟ ਮਿਲੀ ਹੈ।

ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਅਜੇ ਸ਼ੁਰੂਆਤੀ ਪੜਾਅ ਵਿੱਚ ਹੈ ਅਤੇ ਗੋਲੀਬਾਰੀ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ। ਐਸਪੀਐਸ ਦੇ ਅਧਿਕਾਰੀ ਇਲਾਕੇ ਵਿੱਚ ਭੌਤਿਕ ਅਤੇ ਡਿਜ਼ਿਟਲ ਸਬੂਤ ਇਕੱਠੇ ਕਰਨ ਦਾ ਕੰਮ ਜਾਰੀ ਰੱਖਣਗੇ।

ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਨੇ ਘਟਨਾ ਵੇਲੇ ਕੋਈ ਸ਼ੱਕੀ ਗਤੀਵਿਧੀ ਦੇਖੀ ਹੋਵੇ, ਡੈਸ਼ਕੈਮ ਜਾਂ ਸੀਸੀਟੀਵੀ ਫੁਟੇਜ ਹੋਵੇ ਜਾਂ ਇਸ ਮਾਮਲੇ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਉਹ ਸਰੀ ਪੁਲਿਸ ਦੀ ਗੈਰ-ਐਮਰਜੈਂਸੀ ਲਾਈਨ 604-599-0502 'ਤੇ ਸੰਪਰਕ ਕਰੇ ਅਤੇ ਫਾਈਲ ਨੰਬਰ 26-82305 (SP) ਦਾ ਹਵਾਲਾ ਦੇਵੇ।