GATEWAY SKYTRAIN STATION ਉੱਤੇ ਇਕ ਵਿਅਕਤੀ LOADED HANDGUN ਨਾਲ ਗ੍ਰਿਫਤਾਰ
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ (MVTP) ਨੇ ਦੱਸਿਆ ਹੈ ਕਿ ਸੋਮਵਾਰ ਨੂੰ ਸਰੀ ਦੇ ਗੇਟਵੇ ਸਕਾਈਟ੍ਰੇਨ ਸਟੇਸ਼ਨ ‘ਤੇ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ, ਜਦੋਂ ਅਧਿਕਾਰੀਆਂ ਨੇ ਉਸਨੂੰ ਕਿਰਾਇਆ ਦਿੱਤੇ ਬਿਨਾਂ ਸਟੇਸ਼ਨ ਵਿੱਚ ਦਾਖਲ ਹੁੰਦੇ ਦੇਖਿਆ। ਸਵੇਰੇ ਲਗਭਗ 10 ਵਜੇ ਪੁਲਿਸ ਨੇ ਨੋਟ ਕੀਤਾ ਕਿ ਸ਼ੱਕੀ ਵਿਅਕਤੀ ਕਿਸੇ ਹੋਰ ਯਾਤਰੀ ਦੇ ਪਿੱਛੇ-ਪਿੱਛੇ ਗੇਟਾਂ ਰਾਹੀਂ ਅੰਦਰ ਗਿਆ ਅਤੇ ਉਸ ਕੋਲ payment ਦਾ ਕੋਈ ਸਬੂਤ ਨਹੀਂ ਸੀ।
ਜਦੋਂ ਪੁਲਿਸ ਨੇ ਉਸ ਨਾਲ ਗੱਲਬਾਤ ਕੀਤੀ, ਤਾਂ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਉਹ ਇੱਕ ਲੋਡ ਕੀਤੀ ਹੋਈ ਹੈਂਡਗਨ ਅਤੇ ਗੋਲੀਆਂ ਨਾਲ ਲੈ ਕੇ ਘੁੰਮ ਰਿਹਾ ਸੀ। ਇਸ ਤੋਂ ਇਲਾਵਾ, ਉਸ ਵਿਅਕਤੀ ਖ਼ਿਲਾਫ਼ ਪਹਿਲਾਂ ਤੋਂ ਹੀ ਕਈ ਗ੍ਰਿਫ਼ਤਾਰੀ ਵਾਰੰਟ ਵੀ ਜਾਰੀ ਸਨ।
ਕਾਂਸਟੇਬਲ ਅਮਾਂਡਾ ਸਟੀਡ ਨੇ ਕਿਹਾ ਕਿ ਪੁਲਿਸ ਦੀਆਂ ਰੋਜ਼ਾਨਾ ਡਿਊਟੀਆਂ ਕਈ ਵਾਰ ਗੰਭੀਰ ਨਤੀਜੇ ਸਾਹਮਣੇ ਲਿਆ ਸਕਦੀਆਂ ਹਨ। ਇਸ ਮਾਮਲੇ ਵਿੱਚ ਸਿਰਫ਼ ਕਿਰਾਏ ਦੀ ਜਾਂਚ ਕਰਦਿਆਂ ਇੱਕ ਖ਼ਤਰਨਾਕ ਹਥਿਆਰ ਨੂੰ ਜਨਤਕ ਆਵਾਜਾਈ ਪ੍ਰਣਾਲੀ ਤੋਂ ਹਟਾ ਲਿਆ ਗਿਆ, ਜਿਸ ਨਾਲ ਸੰਭਾਵਿਤ ਨੁਕਸਾਨ ਤੋਂ ਬਚਾਅ ਹੋਇਆ।
55 ਸਾਲਾ ਸ਼ੱਕੀ ਉੱਤੇ possession of a loaded prohibited or restricted firearm ਦਾ ਇੱਕ ਮਾਮਲਾ ਦਰਜ ਕੀਤਾ ਗਿਆ ਹੈ। ਉਹ ਅਗਲੀ ਅਦਾਲਤੀ ਪੇਸ਼ੀ ਤੱਕ ਹਿਰਾਸਤ ਵਿੱਚ ਰਹੇਗਾ।
ਇਸ ਲੇਖ ਨੂੰ ਸਾਂਝਾ ਕਰੋ:
