MLA ਕੁਲਵੰਤ ਸਿੰਘ ਨੇ ਵਿਧਾਨ ਸਭ ‘ਚ ਚੁੱਕਿਆ ਫਲੈਟ ਬਣਾਏ ਜਾਣ ਦਾ ਮੁੱਦਾ

ਪੰਜਾਬ ਵਿਧਾਨ ਸਭਾ ਦੇ ਮਾਨਸੂਨ ਸੈਸ਼ਨ ਦਾ ਦੂਜੇ ਦਿਨ ਸੈਸ਼ਨ ਦੀ ਕਾਰਵਾਈ ਸ਼ੁਰੂ ਹੋ ਗਈ ਹੈ, ਉਥੇ ਹੀ ਮੁਹਾਲੀ ਤੋਂ ‘ਆਪ’ ਵਿਧਾਇਕ ਕੁਲਵੰਤ ਸਿੰਘ ਨੇ ਕਿਹਾ, ਅਸਲ ‘ਚ ਮੁਹਾਲੀ ਗਮਾਡਾ ਹੈ, ਤੇ ਗਮਾਡਾ ਮੋਹਾਲੀ ਹੈ। ਮੇਰੇ ਸਵਾਲ ਦਾ ਜਵਾਬ ਤਸੱਲੀਬਖਸ਼ ਨਹੀਂ ਹੈ ਦਿੱਤਾ ਗਿਆ ਜਵਾਬ “ਵਿਚਾਰ ਅਧੀਨ” ਹੈ ਅਤੇ “ਇੱਕ ਕਮੇਟੀ ਬਣਾਈ ਗਈ ਹੈ।” ਇਸ ਦਾ ਜਵਾਬ ਦੇਣ ਦਾ ਕੋਈ ਮਤਲਬ ਨਹੀਂ ਹੈ। ਮੇਰਾ ਸਵਾਲ ਲੋੜ-ਅਧਾਰਤ ਨੀਤੀ ਬਾਰੇ ਸੀ।

ਉਥੇ ਹੀ ਉਨ੍ਹਾਂ ਦੱਸਿਆ ਕਿ 50 ਸਾਲ ਪਹਿਲਾਂ ਮੋਹਾਲੀ ਵਿੱਚ ਫਲੈਟ ਬਣਾਏ ਗਏ ਸਨ। ਇਹ LIG ਅਤੇ MIG ਫਲੈਟ ਹਨ। ਲੋਕਾਂ ਨੇ ਹੁਣ ਇੱਕ ਕਮਰੇ ਵਾਲੇ ਅਤੇ ਦੋ ਕਮਰੇ ਵਾਲੇ ਅਪਾਰਟਮੈਂਟ ਜੋੜੇ ਹਨ। ਪਰ ਜਦੋਂ ਉਹ ਉਨ੍ਹਾਂ ਨੂੰ ਵੇਚਣਾ ਚਾਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ NOC ਨਹੀਂ ਮਿਲਦੇ। ਲੋੜ-ਅਧਾਰਤ ਨੀਤੀ ਬਣਾਈ ਗਈ ਸੀ, ਪਰ ਬਾਅਦ ਵਿੱਚ ਵਾਪਸ ਲੈ ਲਈ ਗਈ। ਹੁਣ ਉਹ ਕਹਿੰਦੇ ਹਨ ਕਿ ਇੱਕ ਕਮੇਟੀ ਬਣਾਈ ਗਈ ਹੈ। ਪਰ ਨੀਤੀ ਪਹਿਲਾਂ ਹੀ ਮੌਜੂਦ ਹੈ। ਅਜਿਹੀ ਸਥਿਤੀ ਵਿੱਚ, ਸਥਿਤੀ ਨੂੰ ਸਪੱਸ਼ਟ ਕਰਨ ਦੀ ਲੋੜ ਹੈ।

ਉੱਥੇ ਹੀ ਵਿਧਾਇਕ ਕੁਲਵੰਤ ਸਿੰਘ ਦੇ ਸਵਾਲ ਦਾ ਜਬਵਾਬ ਦਿੰਦਿਆਂ ਮੰਤਰੀ ਮੁੰਡੀਆ ਨੇ ਕਿਹਾ ਕਿ ਉਹ ਜੋ ਚਾਹੇ ਕਰਨਗੇ। ਪਰਮਾਤਮਾ ਦੀ ਕਿਰਪਾ ਨਾਲ, ਸਰਕਾਰ ਦੁਬਾਰਾ ਬਣਾਈ ਜਾ ਰਹੀ ਹੈ। ਉਹ ਜੋ ਚਾਹ ਰਹੇ ਹਨ ਉਹ ਹੋ ਜਾਵੇਗਾ।