ਐਬਟਸਫੋਰਡ ਵਿੱਚ ਹਾਦਸੇ ਤੋਂ ਭੱਜਣ ਬਾਅਦ SUV ਦਰੱਖਤ ਨਾਲ ਟਕਰਾਈ, ਤਿੰਨ ਹਸਪਤਾਲ ਪਹੁੰਚੇ

ਐਬਟਸਫੋਰਡ ਵਿੱਚ ਇੱਕ SUV ਡਰਾਈਵਰ ਹਾਦਸੇ ਤੋਂ ਬਾਅਦ ਮੌਕੇ ਤੋਂ ਭੱਜਣ ਦੀ ਕੋਸ਼ਿਸ਼ ਕਰਦਾ ਹੋਇਆ ਦਰੱਖਤ ਨਾਲ ਟਕਰਾ ਗਿਆ, ਜਿਸ ਕਾਰਨ ਉਸਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਐਬਟਸਫੋਰਡ ਪੁਲਿਸ ਵਿਭਾਗ (APD) ਮੁਤਾਬਕ ਇਹ ਘਟਨਾ ਵੀਰਵਾਰ ਸ਼ਾਮ ਕਰੀਬ 4:45 ਵਜੇ ਓਲਡ ਯੇਲ ਰੋਡ ਨੇੜੇ ਵਾਪਰੀ। ਪੁਲਿਸ ਦੇ ਅਨੁਸਾਰ ਪਹਿਲਾਂ ਦੋ ਵਾਹਨਾਂ ਵਿਚਕਾਰ ਟੱਕਰ ਹਾਈਵੇ 11 ਦੇ ਈਸਟਬਾਊਂਡ ਆਫ-ਰੈਂਪ ‘ਤੇ ਹੋਈ ਸੀ। ਇਸ ਤੋਂ ਬਾਅਦ ਨੀਲੇ ਰੰਗ ਦੀ ਹਿਊਂਡਈ SUV ਮੌਕੇ ਤੋਂ ਭੱਜ ਗਈ ਅਤੇ ਓਲਡ ਯੇਲ ਰੋਡ ‘ਤੇ ਅੱਗੇ ਵਧਦੀ ਹੋਈ opposite ਲੇਨ ਵਿੱਚ ਦਾਖਲ ਹੋ ਕੇ ਸੜਕ ਤੋਂ ਬਾਹਰ ਨਿਕਲ ਗਈ ਅਤੇ ਆਖਿਰਕਾਰ ਕ੍ਰਾਸਲੀ ਪਾਰਕ ਵਿੱਚ ਇੱਕ ਦਰੱਖਤ ਨਾਲ ਟਕਰਾ ਗਈ। ਐਮਰਜੈਂਸੀ ਟੀਮਾਂ ਨੂੰ SUV ਵਿੱਚ ਤਿੰਨ ਲੋਕ ਮਿਲੇ, ਜਿਨ੍ਹਾਂ ਨੂੰ ਕੋਈ ਗੰਭੀਰ ਸੱਤ ਨਹੀਂ ਲੱਗੀ, ਪਰ ਸਾਵਧਾਨੀ ਵਜੋਂ ਸਾਰਿਆਂ ਨੂੰ ਹਸਪਤਾਲ ਭੇਜਿਆ ਗਿਆ। ਪਹਿਲੇ ਹਾਦਸੇ ਵਿੱਚ ਸ਼ਾਮਲ ਦੂਜੇ ਵਾਹਨ ਦਾ ਡਰਾਈਵਰ ਸੁਰੱਖਿਅਤ ਰਿਹਾ।

ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਗਵਾਹਾਂ ਜਾਂ ਡੈਸ਼ਕੈਮ ਫੁਟੇਜ ਵਾਲਿਆਂ ਨੂੰ ਅੱਗੇ ਆਉਣ ਦੀ ਅਪੀਲ ਕਰ ਰਹੀ ਹੈ।